كلمات اغانى البوم ( يا اسكندريـــــــــــــــــــــــــه )

يا اسكندريـــــــــــــــــــــــــــــــــــة

يااسكندرية بحرك عجايب
ياريت ينوبنى من الحب نايب
تحدفنى موجة على صدر موجة
والبحر هوجة والصيف مطايب
اغسل هدومى ياسكندرية
وانشرهمومى ياسكندرية
على شمس طالعة وانا فيها دايب
***
كأنى فلاح من جيش عرابى
مات ع الطوابى وراح فى بحرك
كأنى نسمة فوق الروابى
من البحر جاية تغرق فى سحرك
كأنى كلمة من عقل بيرم
كأنى غنوة من قلب سيد
كأنى جوة المظاهرة طالب
هتف بأسمك وراح معيد
يااسكندرية يامصروية
على سن باسم
على ضحكة هلة
البحر شباك ومشربية
وانتى الاميرة ع الدنيا طالة
***
يااسكندرية عاشق وبدى ارتاح فى حضنك الود ودى
يكون كلامى عربون غرامى وبلمحبة ناخد وندى
يااسكندرية فيكى الغلابة ع الرزق يسعو ولا ينموش
نزل شبكهم فى بحر طامى طلع شبكهم على فشوش
وفيكى بين البشر ديابة وفيكى فوق البشر وحوش
وفيكى ناس مغرمين صبابة لو خان زمانهم ما بيخنوش
وفيكى خمرى يااسكندرية
سلمت امرى يااسكندرية
مقدر اشوفة وماغنلوش

المريلة الكحلي

يا بنت يا ام المريلة كحلي
يا شمس هاله و طاله من الكوله
لو قلت عنك في الغزل قوله
ممنوع عليا ولا مسموحلي
***
أنا أحب أقول الشعر في الحلوين
و الحلو أقوله يا حلو في عيونو
و لو ابتديت بشفايفك النونو
ما يكفنيش فيهم سبع دواوين
***
يا ملاك يا جنيه يا ست الحسن
يعجبني توهانك في أحلامك
يعجبني شد الخصر بحزامك
يعجبني أخذك للكتب بالحضن
***
راحوا الصبايا و الصبايا جم
أجمل ما فيهم مين غير بنتي
و أجمل ما فيكي يا بنتي ان انتي
في عينيكي نني في حنان الأم

الف لاء ولا

الف لاء ولاء ولا على دمعة غى عيونك او اة
دة انتى الحقيقة الى اتكتبت وانتى السما وقت ماشتت
وانتى الى حضنك متشتت ورى قلبى يوهبلة فى حياة
***
عمرك دة راسمة على كفوفى ابصلة يهرب خوفى
المح حروفك فى حروفى بتنادى صوتى يبوح بى هواة
***
مايهمكيش صوت الاحزان لو وشوشك او هد حيطان
لسة الامل مرسل حيران لو غاب نهارة فى لحظة وبان
***
وان ضاع زمانى وفاتنى وحيد قابل اكون شاهد وشهيد
شهيد من الشيب والتجاعيد شاهد على فجرك بزمان

اتكلــــــموا


اتكلمو اتكلمو محلى الكلام ما اللزمة وما اعظمة
فى البدء كانت كلمة الرب الالة خلقت حياة
والخلق منها اتعلمو فااتكلمو اتكلمو
***
الكلمة ايد الكلمة رجل الكلمة باب
الكلمة نجمة كهربية فى الضباب
الكلمة كوبرى صلب فوق بحر العباب
الجن يا احباب ما يقدر يهدمو
فااتكلمو اتكلمو اتكلمو

قمر صيفــــــى

ليلة قمر ياقمر صيفى انت النهاردة خلاص ضيفى
انت تنور على كيفك واسهر انا بقة على كيفى
ليلة قمر يامونسنى من الخوف عيونك تحرسنى
يحسسك قلبى بخوفة وبى الامان بتحسسنى
اسهر اسهر على كيفى
***
يانجوم اليل ليا فى سماكم قمراية
تسكن المواويل ولا تبتسم الا معايا
قمراية جتنى لما هويتنى وكلمنى وونستنى من اليلة
***
قولو للعشقين خلاص صحبكو ماعدش حزين
ودع الاحزان وسكن عيون حلوين ضحكين
طار فى سماها وعشق هواها ضحك معاها سكن غناها من اليلة
***
دمعك الاشواق زى الندى تبل الاوراق
وانت ياالمحبوب خلتنى من احلى العشاق
دويت جروحى سكت نوحى اديتنى روحك وخدت روحى من اليلة

ادى

ادى وعلى دى نعيش وعلى ادى
ادى ما هى خطوة فى الدنيا ادى
نمشيها كدة او حتى كدة
مافيهاش ولا شىء مش عادى
***
ادى بضحك وحزين ادى بشد ولين
ادى مش للتانين وبحب الناس ولا عادى
***
ادى لجل المجريح ادى مابخفش الريح
ادى لو صوتى دبيح هصرخ بكفوفى وانادى
***
ادى ياحبيبتى هكون ادى ان خانو مااخون
ادى بعشق وبصون حبك ذادى وذوادى

يابلح ابريم

يابلح ابريم يا سمارة
سواك الهوي ف العالي هويت
على طمى النيل ياسمارة
وشربت عكار لما استكفيت
بس احلويت قوي يا سمارة
لما اسمريت قوي ياسمارة
لفيت الشارع و الحارة
على زى نقاوتك فين ما لقيت
***
يا حلاوة بنار الشمس النور
يا سمارة وعمار الصحرا البور
شباك الهوى داير ما يدور
حواليك اتاريك دبت وطبيت
بس احلويت قوي ياسمارة
لما اسمريت قوى ياسمارة
لفيت الشارع الحارة
على زى نقوتك فين مالقيت
***
حصنت بعقدك صدر الناس
يابو قلب لا سوسه ولا سواس
الضم حبابيك بقي ياسمارة
وافتح شبابيبك لقا يا سماره
على جو الشارع والحاره
تحلو زيادة وتملا البيت
يا يايايا يا سماره